๒. พันธุชีวกเถราปทาน (๑๘๒)

๑๘๔|๑๘๔.๖| โสภิโต นาม สมฺพุทฺโธ สยมฺภู สพฺภิวณฺณิโต สมาธึ โส สมาปนฺโน นิสีทิ ปพฺพตนฺตเร ฯ |๑๘๔.๗| ชาตสฺสเร คเวสนฺโต ทกชํ ปุปฺผมุตฺตมํ พนฺธุชีวกปุปฺผานิ อทฺทสํ สมนนฺตรํ ฯ |๑๘๔.๘| อุโภหตฺเถหิ ปคฺคยฺห อุปคจฺฉึ มหามุนึ ปสนฺนจิตฺโต สุมโน โสภิตสฺสาภิโรปยึ ฯ |๑๘๔.๙| จตุนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๑๘๔.๑๐| อิโต จตุทฺทเส กปฺเป เอโก อาสึ ชนาธิโป สมุทฺทกปฺโป นาเมน จกฺกวตฺติ มหพฺพโล ฯ |๑๘๔.๑๑| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา พนฺธุชีวโก เถโร อิมา คาถาโย อภาสิตฺถาติ ฯ พนฺธุชีวกตฺเถรสฺส อปทานํ สมตฺตํ ฯ