๘. สลฬปุปผิกเถราปทาน (๒๖๘)

๒๗๐|๒๗๐.๓๐| จนฺทภาคานทีตีเร อโหสึ กินฺนโร ตทา วิปสฺสึ อทฺทสํ พุทฺธํ รํสิชาลสมากุลํ ฯ |๒๗๐.๓๑| ปสนฺนจิตฺโต สุมโน ปรมาย จ ปีติยา ปคฺคยฺห สลฬํ ปุปฺผํ วิปสฺสิสฺส โอกิรึ อหํ ฯ |๒๗๐.๓๒| เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๒๗๐.๓๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สลฬปุปฺผิโย เถโร อิมา คาถาโย อภาสิตฺถาติ ฯ สลฬปุปฺผิยตฺเถรสฺส อปทานํ สมตฺตํ ฯ