๑๐. ปุพพังคมนิยเถราปทาน (๒๙๐)

๒๙๒|๒๙๒.๔๓| จุลฺลาสีติสหสฺสานิ ปพฺพชิมฺห อกิญฺจนา เตสํ ปุพฺพงฺคโม อาสึ อุตฺตมตฺถสฺส ปตฺติยา ฯ |๒๙๒.๔๔| สราคา สโมหา เจเต วิปฺปสนฺนมนาวิลํ อุปฏฺฐหึสุ สกฺกจฺจํ ปสนฺนา เสหิ ปาณิหิ ฯ |๒๙๒.๔๕| ขีณาสวา วนฺตโทสา กตกิจฺจา อนาสวา ผรึสุ เมตฺตจิตฺเตน สยมฺภู อปราชิตา ฯ |๒๙๒.๔๖| เตสํ อุปฏฺฐหิตฺวาน สมฺพุทฺธานํ ปฏิสฺสโต มรณญฺจ อนุปฺปตฺตา เทวตฺตญฺจ อคมฺหเส ฯ |๒๙๒.๔๗| จตุนวุเต อิโต กปฺเป ยํ สีลมนุปาลยึ ทุคฺคตึ นาภิชานามิ สญฺญมสฺส อิทํ ผลํ ฯ |๒๙๒.๔๘| ปฏิสมฺภิทา จตสฺโส วิโมกฺขาปิจ อฏฺฐิเม ฯ ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุพฺพงฺคมนิโย เถโร อิมา คาถาโย อภาสิตฺถาติ ฯ ปุพฺพงฺคมนิยตฺเถรสฺส อปทานํ สมตฺตํ ฯ อุทฺทานํ ปณฺณํ ผลํ อุคฺคมิโย เอกปุปฺผี จ มาฆโว อุปฏฺฐาโกปทานญฺจ ปพฺพชฺชา จ อุปฏฺฐิตํ ฯ ปุพฺพงฺคโม จ คาถาโย อฏฺฐตาฬีส กิตฺติตา ฯ ปณฺณทายกวคฺโค เอกูนตึโส ฯ ------