๖. กทัมพปุปผิยเถราปทาน (๑๕๖)

๑๕๘|๑๕๘.๓๐| หิมวนฺตสฺสวิทูเร กุกฺกุโฏ นาม ปพฺพโต ตมฺหิ ปพฺพตปาทมฺหิ สตฺต พุทฺธา วสนฺติ เต ฯ |๑๕๘.๓๑| กทมฺพํ ปุปฺผิตํ ทิสฺวา ทีปราชํว อุคฺคตํ อุโภหตฺเถหิ ปคฺคยฺห สตฺต พุทฺเธ สโมกิรึ ฯ |๑๕๘.๓๒| จตุนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๑๕๘.๓๓| เทฺวนวุเต อิโต กปฺเป สตฺตาสุํ ปุปฺผนามกา สตฺตรตนสมฺปนฺนา จกฺกวตฺตี มหพฺพลา ฯ |๑๕๘.๓๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กทมฺพปุปฺผิโย เถโร อิมา คาถาโย อภาสิตฺถาติ ฯ กทมฺพปุปฺผิยตฺเถรสฺส อปทานํ สมตฺตํ ฯ