๕. กณิการฉทนิยเถราปทาน (๑๖๕)

๑๖๗|๑๖๗.๒๓| เวสฺสภู นาม สมฺพุทฺโธ โลกเชฏฺโฐ นราสโภ ทิวาวิหาราย มุนิ โอคาหยิ มหาวนํ ฯ |๑๖๗.๒๔| กณิการํ โอจินิตฺวา ฉตฺตํ กตฺวานหนฺตทา ปุปฺผจฺฉทนํ กตฺวาน พุทฺธสฺส อภิโรปยึ ฯ |๑๖๗.๒๕| เอกตฺตึเส อิโต กปฺเป ยํ ปุปฺผํ อภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๑๖๗.๒๖| อิโต วีสติกปฺปมฺหิ โสณฺณาภา อฏฺฐ ขตฺติยา สตฺตรตนสมฺปนฺนา จกฺกวตฺตี มหพฺพลา ฯ |๑๖๗.๒๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กณิการฉทนิโย เถโร อิมา คาถาโย อภาสิตฺถาติ ฯ กณิการฉทนิยตฺเถรสฺส อปทานํ สมตฺตํ ฯ