๓. โกตุมพริยเถราปทาน (๑๘๓)

๑๘๕|๑๘๕.๑๒| กณิการํว โชตนฺตํ นิสินฺนํ ปพฺพตนฺตเร อปฺปเมยฺยํว อุทธึ อุทฺธตํ ธรณึ ยถา ฯ |๑๘๕.๑๓| ปุเรตํ เทวสงฺเฆน นิสภาชานิยํ ยถา ฯ หฏฺโฐ หฏฺเฐน จิตฺเตน อุปคญฺฉึ นรุตฺตมํ ฯ |๑๘๕.๑๔| สตฺต ปุปฺผานิ ปคฺคยฺห โกตุมฺพรํ สมากุลํ พุทฺธสฺส อภิโรเปสึ สิขิโน โลกพนฺธุโน ฯ |๑๘๕.๑๕| เอกตฺตึเส อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ |๑๘๕.๑๖| อิโต วีสติกปฺปมฺหิ มหาเนลสนามโก เอโก อาสึ มหาเตโช จกฺกวตฺติ มหพฺพโล ฯ |๑๘๕.๑๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โกตุมฺพริโย เถโร อิมา คาถาโย อภาสิตฺถาติ ฯ โกตุมฺพริยตฺเถรสฺส อปทานํ สมตฺตํ ฯ