๖. โพธิอุปัฏฐายกเถราปทาน (๑๘๖)

๑๘๘|๑๘๘.๓๐| นคเร รมฺมวติยา อาสึ มุรชวาทโก นิจฺจุปฏฺฐานยุตฺโตมฺหิ คโตหํ โพธิมุตฺตมํ ฯ |๑๘๘.๓๑| สายํ ปาตํ อุปฏฺฐิตฺวา สุกฺกมูเลน โจทิโต อฏฺฐารเส กปฺปสเต ทุคฺคตึ นูปปชฺชหํ ฯ |๑๘๘.๓๒| ปญฺจทเส กปฺปสเต อิโตโหสึ ชนาธิโป ทมโถ นาม นาเมน จกฺกวตฺติ มหพฺพโล ฯ |๑๘๘.๓๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โพธิอุปฏฺฐายโก เถโร อิมา คาถาโย อภาสิตฺถาติ ฯ โพธิอุปฏฺฐายกตฺเถรสฺส อปทานํ สมตฺตํ ฯ