๑. ปทุมเกสริยเถราปทาน (๓๐๑)

๓๐๓|๓๐๓.๑| อิสิสงฺเฆ อหํ ปุพฺเพ อาสึ มาตงฺควารโณ มเหสีนํ ปสาเทน ปทุมเกสรโมกิรึ ฯ |๓๐๓.๒| ปจฺเจกชินเสฏฺเฐสุ ธุตราเคสุ ตาทิสุ เตสุ จิตฺตํ ปสาเทตฺวา กปฺปํ สคฺคมฺหิ โมทหํ ฯ |๓๐๓.๓| เอกนวุเต อิโต กปฺเป เกสรํ โอกิรึ ตทา ทุคฺคตึ นาภิชานามิ พุทฺธปูชายิทํ ผลํ ฯ |๓๐๓.๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปทุมเกสริโย เถโร อิมา คาถาโย อภาสิตฺถาติ ฯ ปทุมเกสริยตฺเถรสฺส อปทานํ สมตฺตํ ฯ