๓. คตสัญญกเถราปทาน (๓๑๓)

๓๑๕|๓๑๕.๑๐| อากาเสว ปทํ นตฺถิ อมฺพเร อนิลญฺชเส สิทฺธตฺถํ ชินมทฺทกฺขึ คจฺฉนฺตํ ติทิวงฺคณํ ฯ |๓๑๕.๑๑| อนิเลเนริตํ ทิสฺวา สมฺมาสมฺพุทฺธจีวรํ วิตฺติ เม ปาหุนา ตาว ทิสฺวาน คมนํ มุเน ฯ |๓๑๕.๑๒| จตุนวุเต อิโต กปฺเป ยํ สญฺญมลภึ ตทา ทุคฺคตึ นาภิชานามิ พุทฺธสญฺญายิทํ ผลํ ฯ |๓๑๕.๑๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา คตสญฺญโก เถโร อิมา คาถาโย อภาสิตฺถาติ ฯ คตสญฺญกตฺเถรสฺส อปทานํ สมตฺตํ ฯ