๓. สยนทายกเถราปทาน (๕๓)

๕๕|๕๕.๒๐| ปทุมุตฺตรพุทฺธสฺส สพฺพโลกานุกมฺปิโน สยนํ ตสฺส ปาทาสึ วิปฺปสนฺเนน เจตสา ฯ |๕๕.๒๑| เตน สยนทาเนน สุเขตฺเต วีชสมฺปทา โภโค นิพฺพตฺตเต ตสฺส สยนสฺส อิทํ ผลํ ฯ |๕๕.๒๒| อากาเส เสยฺยํ กปฺเปมิ ธาเรมิ ปฐวึ อิมํ ปาเณสุ เม อิสฺสริยํ สยนสฺส อิทํ ผลํ ฯ |๕๕.๒๓| ปญฺจกปฺปสหสฺสมฺหิ อฏฺฐ อาสุํ มหาวิรา จตุตฺตึเส กปฺปสเต จตุโรว มหพฺพลา ฯ |๕๕.๒๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สยนทายโก เถโร อิมา คาถาโย อภาสิตฺถาติ ฯ สยนทายกตฺเถรสฺส อปทานํ สมตฺตํ ฯ