๕. รังสิสัญญกเถราปทาน (๘๕)

๘๗|๘๗.๓๐| ปพฺพเต หิมวนฺตมฺหิ วาสํ กปฺเปสหํ ปุเร อชินุตฺตรวตฺโถหํ วสามิ ปพฺพตนฺตเร ฯ |๘๗.๓๑| สุวณฺณวณฺณํ สมฺพุทฺธํ สตรํสีว ภาณุมํ วนนฺตรคตํ ทิสฺวา สาลราชํว ปุปฺผิตํ ฯ |๘๗.๓๒| รํเส จิตฺตํ ปสาเทตฺวา วิปสฺสิสฺส มเหสิโน ปคฺคยฺห อญฺชลึ วนฺทึ สิรสา อุกฺกุฏิโก อหํ ฯ |๘๗.๓๓| เอกนวุเต อิโต กปฺเป ยํ กมฺมมกรึ ตทา ทุคฺคตึ นาภิชานามิ รํสิสญฺญายิทํ ผลํ ฯ |๘๗.๓๔| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา รํสิสญฺญโก เถโร อิมา คาถาโย อภาสิตฺถาติ ฯ รํสิสญฺญกตฺเถรสฺส อปทานํ สมตฺตํ ฯ