๖. สสปัณฑิตชาดก

๕๖๒สตฺต เม โรหิตา มจฺฉา อุทกา ถลมุพฺภตา อิทํ พฺราหฺมณ เม อตฺถิ เอตํ ภุตฺวา วเน วส ฯ

๕๖๓ทุสฺส เม เขตฺตปาลสฺส รตฺตึ ภตฺตํ อปาภตํ มํสสูลา จ เทฺว โคธา เอกญฺจ ทธิวารกํ อิทํ พฺราหฺมณ เม อตฺถิ เอตํ ภุตฺวา วเน วส ฯ

๕๖๔อมฺพปกฺกํ ทกํ สีตํ สีตจฺฉายํ มโนรมํ อิทํ พฺราหฺมณ เม อตฺถิ เอตํ ภุตฺวา วเน วส ฯ

๕๖๕น สสสฺส ติลา อตฺถิ น มุคฺคา นปิ ตณฺฑุลา อิมินา อคฺคินา ปกฺกํ มมํ ภุตฺวา วเน วสาติ ฯ สสปณฺฑิตชาตกํ ฉฏฺฐํ ฯ ---------