๑๐. สุจจชชาดก

๕๗๘สุจฺจชํ วต นจฺจชิ วาจาย อททํ คิรึ กิญฺจิ ตสฺส จชนฺตสฺส วาจาย อททํ ปพฺพตํ ฯ

๕๗๙ยญฺหิ กยิรา ตญฺหิ วเท ยํ น กยิรา น ตํ วเท อกโรนฺตํ ภาสมานํ ปริชานนฺติ ปณฺฑิตา ฯ

๕๘๐ราชปุตฺต นโม ตฺยตฺถุ สจฺเจ ธมฺเม ฐิโตวสิ ยสฺส เต พฺยสนํ ปตฺโต สจฺจสฺมึ รมเต มโน ฯ

๕๘๑ยา ทลิทฺที ทลิทฺทสฺส อฑฺฒา อฑฺฒสฺส กิตฺติมา สา หิสฺส ปรมา ภริยา สหิรญฺญสฺส อิตฺถิโยติ ฯ สุจฺจชชาตกํ ทสมํ ฯ ปุจิมนฺทวคฺโค ทุติโย ฯ --------- ตสฺสุทฺทานํ อถ โจร สกสฺสป ขนฺติวโร ทุชฺชีวิตตา จ วรา ผรุสา อถ สส มตํ จ วสนฺต สุขํ สุจฺจชํวตนจฺจชินา จ ทส ฯ ---------