๔. จุลลธนุคคหชาดก

๘๑๘สพฺพํ ภณฺฑํ สมาทาย ปารํ ติณฺโณสิ พฺราหฺมณ ปจฺจาคจฺฉ ลหุํ ขิปฺปํ มมฺปิ ตาเรหิทานิ โภ ฯ

๘๑๙อสนฺถุตํ มํ จิรสนฺถุเตน นิมินิ โภตี อธุวํ ธุเวน มยาปิ โภตี นิมิเนยฺย อญฺญํ อิโต อหํ ทูรตรํ คมิสฺสํ ฯ

๘๒๐กายํ เอฬคณิคุมฺเพ กโรติ อหุหาสิยํ นยิธ นจฺจํ วา คีตํ วา ตาลํ วา สุสมาหิตํ อนมฺหิกาเล สุสฺโสณิ กินฺนุ ชคฺฆสิ โสภเน ฯ

๘๒๑สิคาล พาล ทุมฺเมธ อปฺปปญฺโญสิ ชมฺพุก ชินฺโน มจฺฉญฺจ เปสิญฺจ กปโณ วิย ฌายสิ ฯ

๘๒๒สุทสฺสํ วชฺชมญฺเญสํ อตฺตโน ปน ทุทฺทสํ ชินฺนา ปติญฺจ ชารญฺจ มมฺปิ ตฺวญฺเญว ฌายสิ ฯ

๘๒๓เอวเมตํ มิคราช ยถา ภาสสิ ชมฺพุก สา นูนาหํ อิโต คนฺตฺวา ภตฺตุ เหสฺสํ วสานุคา ฯ

๘๒๔โย หเร มตฺติกํ ถาลํ กํสถาลมฺปิ โส หเร กตํเยว ตยา ปาปํ ปุนเปวํ กริสฺสสีติ ฯ จุลฺลธนุคฺคหชาตกํ จตุตฺถํ ฯ ---------