๖. มิคาโลปชาดก

๘๖๓น เม รุจิ มิคาโลป ยสฺส เต ตาทิสี คติ อตุจฺจํ ตาต คจฺฉสิ อภูมึ ตาต เสวสิ ฯ

๘๖๔จตุกฺกณฺณํว เกทารํ ยถา เต ปฐวี สิยา ตโต ตาต นิวตฺตสฺสุ มาสุ เอตฺโต ปรํ คมิ ฯ

๘๖๕สนฺติ อญฺเญปิ สกุณา ปตฺตยานา วิหงฺคมา อุกฺขิตฺตา วาตเวเคน นฏฺฐา เต สสฺสตีสมา ฯ

๘๖๖อกตฺวา อปรณฺณสฺส ปิตุ วุฑฺฒสฺส สาสนํ กาลวาเต อติกฺกมฺม เวรมฺภานํ วสํ อคา ฯ

๘๖๗ตสฺส ปุตฺตา จ ทารา จ เย จญฺเญ อนุชีวิโน สพฺเพ พฺยสนมาปาทุํ อโนวาทกเร ทิเช ฯ

๘๖๘เอวมฺปิ อิธ วุฑฺฒานํ โย วากฺยํ นาวพุชฺฌติ อติสีมํ จโร ทิตฺโต คิชฺโฌ วาตีตสาสโน สพฺเพ พฺยสนํ ปปฺโปนฺติ อกตฺวา พุทฺธสาสนนฺติ ฯ มิคาโลปชาตกํ ฉฏฺฐํ ฯ ---------