๔. ทัฬหธรรมชาดก

๑๐๖๕อหญฺจ ทฬฺหธมฺมสฺส วหนฺตี นาภิราธยึ นุทนฺตี อุรสิ สลฺลํ ยุทฺเธ วิกฺกนฺตจารินี ฯ

๑๐๖๖นูน ราชา น ชานาติ มม วิกฺกมโปริสํ สงฺคาเม สุกตนฺตานิ ทูตวิปฺปหิตานิ จ ฯ

๑๐๖๗สา นูนาหํ มริสฺสามิ อพนฺธุ อปรายินี ตทา หิ กุมฺภการสฺส ทินฺนา ฉกณหาริกา ฯ

๑๐๖๘ยาวตาสึสตี โปโส ตาวเทว ปวีณติ อตฺถาปาเย ชหนฺติ นํ โอฏฺฐิพฺยาธึว ขตฺติโย ฯ

๑๐๖๙โย ปุพฺเพ กตกลฺยาโณ กตตฺโถ นาวพุชฺฌติ อตฺถา ตสฺส ปลุชฺชนฺติ เย โหนฺติ อภิปตฺถิตา ฯ

๑๐๗๐โย ปุพฺเพ กตกลฺยาโณ กตตฺโถ มนุพุชฺฌติ อตฺถา ตสฺส ปวฑฺฒนฺติ เย โหนฺติ อภิปตฺถิตา ฯ

๑๐๗๑ตํ โว วทามิ ภทฺทํ โว ยาวนฺเตตฺถ สมาคตา สพฺเพ กตญฺญุโน โหถ จิรํ สคฺคมฺหิ ฐสฺสถาติ ฯ ทฬฺหธมฺมชาตกํ จตุตฺถํ ฯ ---------