๘. จักกวากชาดก

๑๒๗๔กาสายวตฺเถ สกุเณ วทามิ ทุเว ทุเว นนฺทมเน จรนฺเต กํ อณฺฑชํ อณฺฑชมานุเสสุ ชาตึ ปสํสนฺติ ตทิงฺฆ พฺรูถ ฯ

๑๒๗๕อเมฺห มนุสฺเสสุ มนุสฺสหึส อนุพฺพเต จกฺกวาเก วทนฺติ กลฺยาณภาวเมฺห ทิเชสุ สมฺมตา (อภีตรูปา วิจราม อณฺณเว) น ฆาสเหตุปิ กโรม ปาปํ ฯ

๑๒๗๖กึ อณฺณเว กานิ ผลานิ ภุญฺเช มํสํ กุโต ขาทถ จกฺกวากา กึ โภชนํ ภุญฺชถ โว อโนมา พลญฺจ วณฺโณ จ อนปฺปรูโป ฯ

๑๒๗๗น อณฺณเว สนฺติ ผลานิ ธงฺก มํสํ กุโต ขาทิตุํ จกฺกวาเก เสวาลภกฺขมฺห อปาณโภชนา (น ฆาสเหตุปิ กโรม ปาปํ) อภีตรูปา วิจราม อณฺณเว ฯ

๑๒๗๘น เม อิทํ รุจฺจติ จกฺกวาเก อสฺมึ ภเว โภชนสนฺนิกาโส อโหสิ ปุพฺเพ ตโต เม อญฺญถา อิจฺเจว เม วิมติ เอตฺถ ชาตา ฯ

๑๒๗๙อหมฺปิ มํสานิ ผลานิ ภุญฺเช อนฺนานิ จ โลณิกเตลิกานิ รสํ มนุสฺเสสุ ลภามิ โภตฺตุํ สูโรว สงฺคามมุขํ วิเชตฺวา น จ เม ตาทิโส วณฺโณ จกฺกวาก ยถา ตว ฯ

๑๒๘๐อสุทฺธภกฺโขสิ ขณานุปาตี กิจฺเฉน เต ลพฺภติ อนฺนปานํ น ตุสฺสสิ รุกฺขผเลหิ ธงฺก มํสานิ วา ยานิ สุสานมชฺเฌ ฯ

๑๒๘๑โย สาหเสน อธิคมฺม โภเค ปริภุญฺชติ ธงฺก ขณานุปาตี ตโต อุปกฺโกสติ นํ สภาโว อุปกฺกุฏฺโฐ วณฺณพลํ ชหาติ ฯ

๑๒๘๒อปฺปมฺปิ เจ นิพฺพุตึ ภุญฺชติ ยทิ อสาหเสน อปรูปฆาตี พลญฺจ วณฺโณ จ ตทสฺส โหติ น หิ สพฺโพ อาหารมเยน วณฺโณติ ฯ จกฺกวากชาตกํ อฏฺฐมํ ฯ ---------