๑๐. กปิชาดก

๓๕๐อยํ อิสิ อุปสมสญฺญเม รโต ส ติฏฺฐติ สิสิรภเยน อทฺธิโต หนฺท อยํ ปวิสตุมํ อคารกํ วิเนตุ สีตํ ทรถญฺจ เกวลํ ฯ

๓๕๑นายํ อิสิ อุปสมสญฺญเม รโต กปิ อยํ ทุมฺพรสาขโคจโร โส ทูสโก โรสโก จาปิ ชมฺโม สเจ วเช อิมมฺปิ ทูสเย ฆรนฺติ ฯ กปิชาตกํ ทสมํ ฯ สิคาลวคฺโค ทสโม ฯ --------- ตสฺสุทฺทานํ อถ ราชา สิคาลวโร สุนโข ตถา โกสิย อิจฺฉติ กาลฆโส อถ ทานวโรฏฺฐปิ สารถินา ปุนมฺปวนญฺจ สิสิรกปิ ทส ฯ --------- วคฺคุทฺทานํ ฯ ทฬฺหญฺจ วคฺคํ อปเรน สนฺถวํ กลฺยาณวคฺคาสทิโส จ รุหกํ นตํทฬฺหํ พีรณตฺถมฺภกา ปุน กาสาวุปาหนสิคาลเกน ทสาติ ฯ ทุกนิปาตํ นิฏฺฐิตํ ฯ ---------