๒. สูจิชาดก

๙๑๑อกกฺกสํ อผรุสํ ขรโธตํ สุปาสิยํ สุขุมํ ติขิณคฺคญฺจ โก สูจึ เกตุมิจฺฉติ ฯ

๙๑๒สุมชฺชญฺจ สุปาสญฺจ อนุปุพฺพสุวตฺติตํ ฆนฆาติมํ ปฏิตฺถทฺธํ โก สูจึ เกตุมิจฺฉติ ฯ

๙๑๓อิโตทานิ ปตายนฺติ สูจิโย พลิสานิ จ โกยํ กมฺมารคามสฺมึ สูจึ วิกฺเกตุมิจฺฉติ ฯ

๙๑๔อิโต สตฺถานิ คจฺฉนฺติ กมฺมนฺตา วิวิธา ปุถู โกยํ กมฺมารคามสฺมึ สูจึ วิกฺเกตุมรหติ ฯ

๙๑๕สูจิ กมฺมารคามสฺมึ วิกฺเกตพฺพา ปชานตา อาจริยา ปชานนฺติ กมฺมํ สุกตทุกฺกฏํ ฯ

๙๑๖อิมญฺจ เต ปิตา ภทฺเท สูจึ ชญฺญา มยา กตํ ตยา จ มํ นิมนฺเตยฺย ยญฺจตฺถญฺญํ ฆเร ธนนฺติ ฯ สูจิชาตกํ ทุติยํ ฯ ---------