๑. ขุรปุตตชาดก

๙๐๕สจฺจํ กิเรวมาหํสุ กลกํ พาโลติ ปณฺฑิตา ปสฺส พาโล รโหกมฺมํ อาวิกุพฺพํ น พุชฺฌติ ฯ

๙๐๖ตฺวํ นุ โข สมฺม พาโลสิ ขุรปุตฺต วิชานหิ รชฺชุยาหิ ปริกฺขิตฺโต วงฺโกฏฺโฐ โอหิโตมุโข ฯ

๙๐๗อปรํปิ สมฺม เต พาลฺยํ โย มุตฺโต น ปลายสิ โส จ พาลตโร สมฺม ยํ ตฺวํ วหสิ เสนกํ ฯ

๙๐๘ยนฺนุ สมฺม อหํ พาโล อชราช วิชานหิ อถ เกน เสนโก พาโล ตํ เม อกฺขาหิ ปุจฺฉิโต ฯ

๙๐๙อุตฺตมตฺถํ ลภิตฺวาน ภริยาย โย ปทสฺสติ เตน ชหิสฺสตตฺตานํ สา เจวสฺส น เหสฺสติ ฯ

๙๑๐น ปิยมฺเมติ ชนินฺท ตาทิโส อตฺตํ นิรงฺกตฺว ปิยานิ เสวติ อตฺตาว เสยฺโย ปรมาว เสยฺโย ลพฺภา ปิยา โอจิตตฺเตน ปจฺฉาติ ฯ ขุรปุตฺตชาตกํ ปฐมํ ฯ ---------