๑. อัญญตราภิกษุณีเถรีคาถา

๔๓๙|๔๓๙.๖๗| ๑ ปณฺณวีสติ วสฺสานิ ยโต ปพฺพชิตา อหํ อจฺฉราสงฺฆาตมตฺตมฺปิ จิตฺตสฺสุปสมชฺฌคํ ฯ |๔๓๙.๖๘| อลทฺธา เจตโส สนฺตึ กามราเคนวสฺสุตา พาหา ปคฺคยฺห กนฺทนฺตี วิหารํ ปาวิสึ อหํ ฯ |๔๓๙.๖๙| สา ภิกฺขุนึ อุปาคจฺฉึ ยา เม สทฺธายิกา อหุ สา เม ธมฺมมเทเสสิ ขนฺธายตนธาตุโย ฯ |๔๓๙.๗๐| ตสฺสา ธมฺมํ สุณิตฺวาน เอกมนฺเต อุปาวิสึ ปุพฺเพนิวาสํ ชานามิ ทิพฺพจกฺขุํ วิโสธิตํ ฯ |๔๓๙.๗๑| เจโต ปริจฺจญาณญฺจ โสตธาตุ วิโสธิตา อิทฺธิปิ เม สจฺฉิกตา ปตฺโต เม อาสวกฺขโย ฉ เมภิญฺญา สจฺฉิกตา กตํ พุทฺธสฺส สาสนํ ฯ อญฺญตรา ภิกฺขุนี อปญฺญาตา ฯ